Төретам кентінде орналасқан №85 мектепте жас мамандар арасында "Жолдау жолымен білім биігіне" тақырыбында жолдауды жастар арасында насихаттау үшін жоспарланған кездесу өтті. Елбасымыздың 10 қаңтар күнгі "Төртінші өнеркəсіптік революция жағдайындағы дамудың жаңа мүмкіндіктері" атты жолдауын талқылап, айқындалған 10 бағытты атап көрсетіп, əрқайсысына жеке-жеке тоқталып, өз пікірлерін ортаға салды. Жас мамандар алдыға қойған мақсаттар мен міндеттерімен бөлісті. Кездесуге "ЖАС ОТАН" жастар қанатының төрайымы Ерғалиева Жазира еліміздің дамуының жаңа мүмкіндіктері соның ішінде жастардың мүмкіншіліктері туралы сөз етті. 10 бағыттың ішіндегі "Адами капитал-жаңғыру негізі" 7 бағытына тоқталып мұғалімдердің мәртебесі əрқашанда биік болатынына сенім білдірді. Жастар ресурстық орталығының мүшесі Жақсылықов Руслан жастарға алғысын білдіріп, қоғамдық жұмыстарға үнемі араласуын сұрады.