Мектептегі көңілді үзіліс

ЖОСАЛЫ, 24 қараша - qarmaqshy-tany.kz Көмекбаев ауылындағы №185 орта мектептің "Жас Ұлан" ұйымы "Жалпы адамзат құндылықтары күніне" орай "Балалықтың бал күні" тақырыбында көңілді үзіліс сағатын ұйымдастырды. Мақсат - оқушылардың бойына адамгершілік құндылықтарды сіңіру, балалардың пәк күлкісінің лайланбауына, жақсы қасиеттерге тәрбиелеу. Көңілді үзіліс барысында оқушылар топқа бөлініп шаттық шеңберін жасап, шаңырақ бейнесін құрды. Бақытты балалық тақырыбында төрт шумақ өлең құрастырып, топпен оқыды. Көңілді үзіліс соңында естелік суретке түсті.