Акцияға қолдау білдірді
ЖОСАЛЫ, 6 қараша - qarmaqshy-tany.kz «Nur Otan» партиясының бастамасымен қолға алынған «Менің туым – менің Отаным!» акциясына қармақшылықтар қолдау білдірді, деп жазады аудандық ішкі саясат бөлімі.
Патриоттыққа және мемлекеттік рәміздерімізді құрметтеуге арналған шара аудандық аграрлы техникалық колледжінде ұйымдастырылды. Салтанатты жиында «Nur Otan» партиясының аудандық филиалы төрағасының бірінші орынбасары Дастан Буханов ашып, акцияның негізгі мақсатына тоқталып, мемлекеттік рәміздердің құндылыған атап өтті. Сондай-ақ, шара барысында жастар мен викториналық сұрақ-жауап ойыны ойнатылып, Қазақстан Республикасының мемлекеттік гимні тыңдалып, әрі қарай концерттік бағдарламаға жалғасты.
