Қармақшы ауданы бойынша азаматтардың өзекті мәселелерін қысқа мерзімде шешу мақсатында олардың құқықтық сауаттылығын көтеру және қабылданатын шешімдердің жариялығын қаматамасыз ету үшін «Халықтық заңгер» акциясы аясында аудандық мәдениет үйінде халықты қабылдау ауқымды шарасы өтті.Халықты ақпараттандыру мақсатында алдын ала шара өткізілу уақыты, орны мен мақсаты туралы мәліметтерді аудан әкімдігінің ресми веб-сайтына және “Facebook” әлеуметтік желісі сонымен қатар бұқаралық ақпарат құралдарына халықты кеңінен ақпараттандыру жұмыстары жүргізілді.

Акция барысында аудан әкімдігіне қарасты барлық бөлім басшыларымен басқа да тиісті мекеме басшылары және олардың орынбасарлары келіп азаматтарды қабылдап, тұрғындардың көкейінде жүрген өзекті сұрақтарына тиісті түсіндерме беру жұмыстарын жүргізді.

Сонымен қатар, акция аясында «Халықтық заңгер» тақырыбында баннер орналастырылды.

Тұрғындар тарапынан акция аясында денсаулық, әлеуметтік, жер, тұрғын үй және басқада салалар бойынша сұрақтар қойылып тиісінше жауаптар берілді. «Халықтық заңгер» акциясына 100-ден аса аудан тұрғын қатысты.