Атаулы әлеуметтік көмектің төленуіне қандай өзгеріс енгізілді?
qarmaqshy-tany.kz Қазақстан Республикасы Еңбек және халықты әлеуметтік қорғау министрінің 2019 жылғы 26 тамыздағы №459 бұйрығымен «Мемлекеттік атаулы әлеуметтік көмекті тағайындау және төлеу қағидаларын бекіту туралы» Қазақстан Республикасы Денсаулық сақтау және әлеуметтік қорғау министрінің 2015 жылғы 5 мамырдағы №320 бұйрығына өзгерістер мен толықтырулар» енгізілді.
Болған өзгерістерге сәйкес, «Мемлекеттік атаулы әлеуметтік көмекті тағайындау және төлеу қағидаларын бекіту туралы» Қазақстан Республикасы Денсаулық сақтау және әлеуметтік қорғау министрінің 2015 жылғы 5 мамырдағы №320 бұйрығының 3 тараудың 36 тармағы «Атаулы әлеуметтік көмекті төлеу ай сайын атаулы әлеуметтік көмек тағайындау туралы шешім қабылданған айдан кейінгі айдың 10-күніне қарай жүзеге асырылады» деп жаңа редакцияда жазылған.
Осыған орай, алдағы уақытта төлемдер осы өзгеріспен жүзеге асырылатындығын хабарлай отырып, 2019 жылдың қазан айына төленетін атаулы әлеуметтік көмек қараша айының 10-ші күніне қарай төленетінін назарларыңызға саламыз.
Аудандық жұмыспен қамту,
әлеуметтік бағдарламалар және азаматтық хал актілерін тіркеу бөлімі
