«Гендерлік саясаттың бүгіні мен келешегі» тақырыбында семинар өткізілді. Қармақшы аудандық сотында «Гендерлік саясаттың бүгіні мен келешегі» тақырыбында семинар сабағы өткізілді.

Аталған шараға аудандық соттың төрағасы Д.Кентбаев, судялары Л.Алибекова, Е.Кутыбаев, кеңсе меңгерушісі Е.Мәтжанов және сот мамандары қатысты.

Бас маман Р.Алибеков өз сөзінде қазіргі кезеңдегі гендерлік теңдіктің маңыздылығын атап, өмірдің барлық салаларында ерлермен әйелдердің теңескендігін атап өтті. Әйелдер мен ерлер үшін нақты тең құқықтар қамтамасыз етіліп, әйелдерге қатысты кемсітудің барлық нысандарын жою туралы Конвенцияны еске салды, Конвенцияда әйел жағдайын реттеудің халықаралық-құқықтық принциптерінің негіздері баяндалған, әйелдің ерлермен тең құқығын қамтамсыз етуге бағытталған бірқатар жағдайлар қарастырылғанын, оның ауқымдылығын баса айтты. Іс-шараның негізгі мақсаты - гендерлік теңдік саясатының негізгі мазмұны мен мәнін түсіндіру, гендерлік теңдік саласындағы жағдайды жақсарту бағытында жүргізіліп жатқан іс-шара екенін жеткізді.

Іс шара соңында семинарға қатысушылар өзара пікір алмасты.