Байқоңырдан «СОЮЗ 2.1 А» зымыран тасығышы көкке көтерілді
Кеше 13 ақпан күні Астана уақытымен 14.11-де «Прогресс МС-08» жүк кемесін тіркеген «Союз 2.1 А» зымыран тасығышы ұшырылды. Ғарыш кемесі станцияға 3 тоннаға жуық жүк жөнелтеді. Ол станциямен 15 ақпан күні түйіседі деп жоспарлануда.
Зымыран тасығыш әдепкіде 11 ақпанда ұшырылады делінген. Алайда қозғалтқыштардың автоматты түрде өшіп қалуына орай бірнеше күн кейінге қалдырылды.
Зымыран халықаралық ғарыш станциясындағы экипажға жанар май, сығымдалған газ, су, ғылыми құралдар, азық-түлік, киім-кешек, дәрі-дәрмек, жеке гигиеналық заттар тәрізді қажеттіліктерді жеткізеді.
