SpaceX компаниясы ғарышқа ауыр жүк жеткізетін Falcon Heavy зымыранын сәтті ұшырды. Ол Флоридадағы Канаверал мүйісінен көкке көтерілген. Мәліметтерге қарағанда, Falcon Heavy ғарышқа 64 тонна жүкті жеткізуге қауқарлы. Ол қазіргі таңда әлемдегі ең қуатты зымыран болып саналады. SpaceX басшысы Илон Масктың айтуынша, зымыран ғарышқа компания жасап шығарған Tesla Roadster көлігін алып ұшқан. Ол орбитада жүріп жерге фотолар жіберіп тұрады. Зымыран ғарышқа жүкті жеткізгеннен кейін жерге қайта қонуы тиіс болатын. Алайда көкке көтерілуге күш беретін негізгі бөлшек қону кезінде апатқа ұшырады. Ал қосымша қуат беретін екі бөлшегі Канаверал мүйісіне сәтті қонған.