Жуырда аудандық жұмыспен қамту, әлеуметтік бағдарламалар және азаматтық хал актілерін тіркеу бөлімінің әлеуметтік тапсырысына сәйкес «Студенттік жастардың еңбек жасақтары облыстық штабы» қоғамдық бірлестігінің ұйымдастыруымен пробация есебінде тұрған азаматтар Қорқыт ата мемориалдық кешеніне экскурсия жасады.

– Бұл азаматтардың уақытын бос өткізбес үшін ұйымдастырылған шара. Алдағы уақытта да жалғасын табады, – деді қоғамдық бірлестіктің төрағасы Еркебұлан Тынымбайұлы.

Бұл қамшының сабындай қысқа өмірде қателеспейтін адам жоқ шығар. Бастысы – сол істеген ісінен сабақ алып, қателікке қайта бой алдырмау.