Тоқаев қазақстандықтарды жаңа оқу жылының басталуымен құттықтады
Ел Президенті Қасым-Жомарт Тоқаев қазақстандықтарды Білім күнімен құттықтады, - деп хабарлайды Tengrinews.kz тілшісі. Құттықтау сөзін ол Twitter желісіндегі парақшасында жариялады. "Баршаңызды Білім күнімен құттықтаймын! Жаңа оқу жылы оқушыларымыз бен студенттеріміз үшін жетістіктерге толы болсын. Цифрландыру заманындағы озық білім мен дағды – жастарымыздың жарқын келешегінің кепілі. Ұстаздардың игі қызметтеріне табыс тілеймін", - деді Президент.
