Жеңіс тарихы – ұрпақ дастаны
9 мамыр - Жеңіс күніне орай аудандық музейдің ұйымдастыруымен “Жеңіс тарихы – ұрпақ дастаны” тақырыбында көрме өткізілді. Көрме Ұлы Отан соғысы жылдарындағы ел басына түскен ауыр кезең мен майдангерлердің жанқиярлық ерлігін жас ұрпаққа таныстыруды мақсат етті. Көрмеде соғыс жылдарынан сыр шертетін тарихи деректер, майдан даласынан жеткен хаттар, өлкемізден Соғысқа аттанған ардагерлеріміздің фотосуреттері мен орден-медальдары, сол кезеңді бейнелейтін құнды жәдігерлер көпшілік назарына ұсынылды.
