ҰРПАҚТАР ҰМЫТПАЙТЫН ҰЛЫ ЖЕҢІС

Жақында Ұлы Отан соғысындағы Жеңістің 80 жылдығы аясында аудандық тарихи-өлкетану музейі қызметкерлерінің ұйымдастыруымен «Ұрпақтар ұмытпайтын Ұлы Жеңіс» тақырыбында Төребай би ауылы, №199 мектеп оқушыларына танымдық тәрбие сағаты өткізілді.

Тарихи жадыны сақтап, жастардың патриоттық санасын қалыптастыру, Отанға деген сүйіспеншілікті және өткенге құрметпен қарау мақсатында өткізілген тәрбие сағаты барысында оқушыларға ҰОС майданында қазақстандықтардың жасаған жаппай ерліктері, оның ішінде жерлес жауынгерлеріміз бен батырларымыз туралы мағлұмат берілді. Сонымен қатар жерлес жауынгерлеріміздің Жеңіске қосқан үлесін айта отырып, музей қорында сақталған соғыс ардагерлері тұтынған заттары мен орден-медалдардан көрме көрсетілді.