ЖОСАЛЫ ТЕМІРЖОЛ ВОКЗАЛЫ

Ол өткен ғасырдың басында, яғни 1904 жылы Ресей патшасы ІІ Николайдың бұйрығымен, нақтырақ айтқанда, Ресей қалалары мен Ташкент қаласы аралығында жолаушы және жүк қатынасын байланыстыру мақсатында салынған. Ғимаратта 25-тен астам бөлме бар. Онда күту залы, билет сату, жұмысшылар демалатын, дәмхана мен қонақ, денсаулық және басқа да бөлмелер болған. Ғимараттың сырты және іші сол кездегі құрылыс сәулетшілернінің эскиздерімен әрленген. Бүгінде еліміздің әр аймақтары мен Ресей, Өзбекстан және Қырғызстан мемлекеттеріне қатынайтын жолаушылар мен жүк пойызы Жосалы вокзалы арқылы өтеді. Ғимарат мемлекет қорғауына алынған.