БӨДЕНЕ ӨСІРУДІҢ ӨЗ ҚИЫНДЫҒЫ БАР

Жұмыртқаларының емі ертеден белгілі. Оны жиі тұтынған адамдарда ас қорыту мүшелері жақсы жұмыс жасайды. Жалпы, бөдене жұмыртқасы анемияға, бас ауруына, демікпе мен туберкулезге, қан қысымының көтеріліп және түсіп кетуін реттеуге, салқын тигенге, тұмауға, ішек ауруларына, әсіресе, асқазан жарасы мен гастритке таптырмас ем. Тіпті, жапониялықтар бөдене жұмыртқасын тұрақты тұтынған науқас қатерлі ісіктің өзінен айығатынын дәлелдеген көрінеді.

Әйелдермен балалар 2-3 жұмыртқаны шикілей ішсе сүйектері, тісі, шашы қуатты болады. Яғни ағза кальциймен толығады. Ер адамдар күнделікті таңертең аш қарынға 3-4-еуін ішкен болса бұл белсіздік ауруының алдын алуға жәрдемдеседі. Бөдене жұмыртқасын тұрақты түрде пайдаланған адамның дені сау болып өмірге құштарлығы артады. Шына шақтай ғана құстың бір тал жұмыртқасы тауық жұмыртқасынан екі есе қуатты болып келеді. Бұл құстардың арасында ауру-сырқау болса бірден өліп қалады. Ауырып ем іздегенше ауырмайтын жол ізде деген қазақ ұрпақ денсаулығына ерекше көңіл бөлген. Саламатты өмір салтын ұстау әр азаматтың өз қолында. Дені сау ұрпақ ел болашағы.

– Өте сезімтал құс. Көп жағдайда күтімді қажет етеді. Тұрақты қарап отырмасаң бір мезетте өспей қалады. Бір ерекшелігі құстар тыныштықты, жылылықты қалайды. Бөлме температурасына да аса мән беріп, бір қалыпта өседі. Тауықтың 5 жұмыртқасы бөдене жұмыртқасының 1-еуіне татиды. Айта кетер ерекшелігі бөденені қорқытып, үркітіп алсаң, қасына барғанда қатты дыбыстар шығаратын болсаң жұмыртқаламай қалады. Күтімді көп қажет етеді. Жұмыртқаны пайдалана бастағалы денсаулығым жақсарып келеді. Қазіргі уақытта отбасымызбен қолданудамыз. Аллаға шүкір балаларымның да денсаулығы жақсарып келеді, – дейді бөдене өсіруші Марат Боқтыбаев.

Жұдырықтай құстың еті мен жұмырт­қасында осыншама емдік дәрумен бар деп кім ойлаған?!