АЙНАЛДЫМ
Айда жалғыз,
Cенде жалғыз неліктен.
Сол күйіңмен
мендік жайға серікп(е) ең
Маған ғашық жүрегіңнен айналдым,
Шын ұнатып шын түсініп еліткен.
Шын сүйгеннің сезіп білер тұсы бар,
Мендік ойды өз жадыға қосып ал.
Рас болса маған айтқан сөздерің
Ақ жүрегің айтшы неден тосылар.
Бақыт құсым тарылма,
Сезіміңнің шарықтаған шағында.
Мені күткен көздеріңнен айналдым,
Мөлдіреген қарасында ағында.
Уақытқа берме күнім есеңді,
Маңдайыңның бағы білем бес елі.
Сезіміңді айта алмайсың түсінем,
Қыз тағдыры неткен қиын десеңші.
тарықтырма өтінем,
Кешіктірме сезіміңді көшінен.
Күлімдеген ақ жүзіңнен айналдым,
Жымиғанда адастырған есімнен.
Бақытыңа бұрын жетіп, құрықта,
Сылтау таппа кедергімен сыныққа.
Сезіміңнің мөлдір тек ластама,
Ғашық болғам менде сендік тұныққа.
Ғалымжан МЫҢЖАСАР.
