Тәңірден тілеп тасаттық берді

Тасаттық – белгілі бір тілектің орындалуы үшін Құдай жолына көпшілік атынан мал шалу. Көбіне Тәңірден жаңбыр тілеу түрінде, береке мен бірлік тілеу мақсатында өткізіледі. Осындай табиғатқа бағышталған садақа Сегізов көшесінің тұрғындарының ұйымдастыруымен өтті.
– Тасаттық қыс қатты болып, дария тасымай, егін шықпағанда, өлімдер ретсіз көбейгенде қалың жұртшылықтың тәңірден тілегенінен пайда болған. Бүгінгі тасаттық та Рамазан айына аман-есен жеттік деген ниетпен беріліп жатыр. Осындай игі істі ұйымдастырған Сағидолла Алқуатовт, Арыстан Өміров, Айдынбай Әбішевтер сынды және барлық ат салысып жатқан жастарға үлкендердің атынан алғысымызды білдіреміз, – дейді ақсақал Орынбасар Сариев.
«Алла қабыл етсін. Аспанымыз ашық, еліміз аман, жұрт тыныш болып, өсіп-өркендейік» деп тарасты Сегізов көшесінің тұрғындары.

Айнұр ӘЛИ