Киви кәрілікпен күреседі
Киви – дәруменге бай жемістердің бірі. Оның 100 грамында С дәруменінің 4 тәуіліктік нормасы болады. Ол адамды сергітіп қана қоймай, иммунитетті нығайтады. Сонымен қатар жасушаларды бос радикалдардан қорғайтын күшті табиғи антиоксидант болып табылады, деп хабарлайды MK.ru сайты.
Киви құрамындағы актинидин ферменті мен басқа жеміс қышқылдары ақуыздарды таратып, ас қорытуды жеңілдетеді. Бұл жемісті Қытай медицинасында асқазан-ішек жұмысын реттеуде пайдаланады.
Кивиді тұрақты тұтыну ағза жұмысын жақсартып, тері қартаюының алдын алады. Бұдан бөлек К дәрумені мен калийге де бай. Әрі жүрек-қан тамыр жүйесіне пайдалы, қан айналымын жақсартатын өзге де компоненттер бар.
Диетологтар кивиді тамақтану мәзіріне қосуға кеңес береді. Сонымен қатар зиянды тіскебасарлар мен тәтті десерттер орнына киви жеуді ұсынады.
