28 ЖЫЛ: 28 ДЕРЕК
1 дерек: 1991 жыл, 16 желтоқсан – ұлт шежіресінде алтын әріппен жазылған тарихи күн.
2 дерек: Қазақстан Тәуелсіздігін жариялаған күні елде барлығы 959 адам дүниеге келген. Соның ішінде ұл бала – 491, қыз бала – 468.
3 дерек: Азаттық жылдарында Нурсултан, Нұрсұлтан, Нұрсултан, Нурсұлтан есімдерімен аталғандар саны 37 мың 276 адамды құрады. Соның ішінде 14-і 1991 жылғы 16 желтоқсанда туған.
4 дерек: Елімізде 1 бала «Тәуелсіздік» есіміне ие, ол Алматы облысында 2011 жылғы 1 желтоқсанда дүние есігін ашты.
5 дерек: Азиада, Азияда есімді 57 әйел бар. Саммит, Саммита, Самит, Самита – 70 ер және 17 әйел адам. Нұрлыжол – 16 ер адам. Нұротан – 10 ер адам. Байтерек – 28 ер, Мәңгілік – 2 ер және 2 әйел адам. Теңге – 10 әйел. Ақорда – 3 ер адам.
6 дерек: Аты «Атазаң» қойылған 1 ұл бала 2009 жылғы 30 тамызда туған.
7 дерек: 17 адам «Астана» есімімен аталған, оның жетеуі – ер, үшеуі – әйел.
8 дерек: Тәуелсіздік жылдарында Қазақстан халқының саны 2 миллионға көбейді. Қазақстандықтар санының өсу қарқыны – 12,2 % құрады.
9 дерек: Тәуелсіздік жылдарында мемлекетте 8,7 миллион адам туған. Соның ішінде ең көп туу 2016 жыл үлесінде: 400,6 мың бала өмірге келді.
10 дерек: 2017 жылы «ЭКСПО-2017» ұйымдастырылған уақытта осы халықаралық мамандандырылған көрмемен байланысты «Байдібэкспо» атты ұл бала есімі пайда болды.
11 дерек: Ер мен әйел арасындағы өмір ұзақтығының айырмасы 1992 жылда 9,8 жас болса, 2017 жылы 8,2 жасқа дейін азайды.
12 дерек: Жалпы алғанда, ерлер әйелдерге қарағанда өз өміріне көбірек қанағаттанатыны байқалуда: сәйкесінше 58,8% және 54,9%.
13 дерек: Өңірлер арасында орта есеппен алғанда, ұйқыға Жамбыл облысының тұрғындары бәрінен көп уақыт – 9 сағат 48 минут бөледі, ал аз ұйықтайтын – Түркістан облысының тұрғындары: 8 сағат 42 минут.
14 дерек: Қазақстанда 1000 тұрғынға шаққандағы заңды тұлғалар, компаниялар санының ең жоғарғы тығыздығы Алматы қаласының еншісінде. Атап айтқанда, 2018 жыл басында осы көрсеткіш 1000 адамға шаққанда 65,7 заңды тұлғаны құраса, Нұр-Сұлтанда – 59,9 компаниядан келеді. Ең төмен тығыздық Алматы облысына тиесілі: 10,2 заңды тұлға.
15 дерек: Қазақстанда соңғы 10 жыл ішінде заңды тұлғалар саны 54% көбейді. Мәселен 2008 жылдың басында «Статистикалық бизнес-тіркелім» дерегі бойынша 268 мың 564 заңды тұлға тіркелсе, былтыр жыл басында ол сан 412 мың 677 болды.
16 дерек: Стационарлық көзден ауаға тасталатын ластаушы заттардың жыл сайынғы шығарынды көлемі 1990 жылғы 4 миллион 649,9 мың тоннадан 2017 жылы 2 миллион 357,8 мың тоннаға дейін немесе 2 есе азайды.
17 дерек: Қазақстанның Тәуелсіздігін ресми түрде ең алғаш Америка Құрама Штаттары мойындады. Екінші Қытай, содан соң Ұлыбритания. Оның артынан Моңғолия, Франция, Жапония, Оңтүстік Корея және Иран Ислам мемлекеті мойындады. Иран — Қазақстанның тәуелсіздігін мойындаған алғашқы мұсылман мемлекеті.
18 дерек: 2001 жылы еліміз Тәуелсіздіктің 10 жылдығын атап өтті. Сол жылы Рим папасы Иоанн Павел II елордаға келді.
19 дерек: 2005 жылдың 4 желтоқсанында кезекті Президент сайлауы өтті. ҚР Президенті Нұрсұлтан Назарбаев 91,15% дауыспен үшінші мәрте Мемлекет басшысы болды.
20 дерек: 2007 жыл еліміз үшін ғана емес бүкіл әлем үшін тарихтағы ең ірі қаржылық дағдарыспен есте қалды. Экономикалық дағдарыс Қазақстанды да шарпып өтті.
21 дерек: 2010 жылы Қазақстан Еуропаның Қауіпсіздік және Ынтымақтастық Ұйымына төрағалық етіп, желтоқсан айында елде саммит өткізілді.
22 дерек: 2011 жылы Қазақстанда VII Қысқы Азия ойындары өтті. Қазақстандық спортшылар 70 медаль иеленді. Оның ішінде 32 алтын, 21 күміс және 18 қола алды.
23 дерек: 16 желтоқсан қарсаңында Елбасы Нұрсұлтан Назарбаевтың «Тәуелсіздік дәуірі» атты кітабының тұсауы кесілді.
24 дерек: Нұрсұлтан Назарбаев әлемдегі әзірге 10-ақ адамға берілген алтыннан да қымбат бағаланатын ниобийден медаль таққан.
25 дерек: Елбасы 1996-2005 жылдар аралығындағы ең ауыр сынағы – 9 жыл бойы көршілермен делимитация жұмысын жүргізіп, тыныш аяқтады.
26 дерек: Нұрсұлтан Назарбаев атында Иорданияда, Түркияда және Шешенстанда көше аталған.
27 дерек: 1991 мен 2006 жылдар аралығында ҚР Тұңғыш Президентінің өз атымен 12 кітабы жарыққа шыққан.
28 дерек: Биыл Тәуелсіздікке – 28 жыл
