Өлі теңіздің үстінде қорықпай газет оқып жатуға болады
Таяу шығыста орналасқан Өлі теңізде адам ешқашан суға батпайды. Оның үстіне барып, қорықпай газет оқып жата берсеңіз болады. Себебі, Өлі теңіздің суы өте ауыр. Ол басқа мұхиттар мен көлдерге қарағанда екі есе салмақты. Ендеше, Өлі теңіздің суынан адамның салмағы жеңіл болып шығады. Сондықтан, бұл көлде адамның суға батуы да мүмкін емес.
Өлі теңіз суының ауыр болуы оның жер бетіндегі ең тұзды көл болуымен байланысты болса керек. Қазір Өлі теңіз құрамында 40 миллион тонна тұз бар деп есептеледі.
Көл неліктен Өлі теңіз деп аталған. Өйткені, бұл су айдынында бір балық немесе суда жүретін тіршілік кездеспейді. Онда балық жіберіп әуре болудың да қажеті шамалы. Өйткені, суының 40- пайызы тұздан тұратын теңізде балық та өмір сүре алмаса керек.
Сонымен қатар, Өлі теңіз жер бетіндегі ең терең нүктеде тұр. Ол дүниежүзілік мұхиттан 400 метрге төмен. Көлдің тұздылығы жоғары болғандықтан оған жыл сайын мыңдаған адам тері ауруларынан жазылу үшін баратын көрінеді.
Айбол Қарашевтың Facebook-парақшасынан
