» » 620 жылдық тарихы бар Тайқазанды Ресейден қалай алып келді?

620 жылдық тарихы бар Тайқазанды Ресейден қалай алып келді?

Биыл Түркістандағы Қожа Ахмет Ясауи кесенесінде тұрған Тайқазанның құйылғанына 620 толды. Осыған орай Қарнақ ауылында ауқымды шара болып өтті, деп хабарлайды ҚазАқпарат тілшісі.
Аталған басқосуға елімізге танымал археолог ғалымдар мен тарихшылар және сол кездегі ұсталардың ұрпақтары қатысты.
Тайқазан жайлы тарихи деректер мен аңыз әңгімелер өте көп. Оның жалпы салмағы 2 тоннаны құрайды. Ал, сыйымдылығы 3 мың литр болады. Бүгінде қазан құйылған пеш орыны анықталып, сол кезде ол жерде жұмыс істеген шеберлер жайлы зерттелуде.
«Бұл қазанның тарихы ғылыми мәліметтерге өте бай. Біріншіден Тайқазан дүниежүзіне елімізді танытты. Тарихи нышанның Қарнақ жерінде сирек кездесетін 7 түрлі метал қоспасынан құйылғаны ғылыми тұрғыда дәлелденген»,- дейді өлкетанушы Надыр Арзуматов.
Тарихи деректерге сүйенсек, Әмір Темір тапсырмасымен құйылған қазан 1936 жылы сол кездегі биліктің тапсырмасымен Санкт-Петербордағы Эрмитажға Иран шеберлерінің көрмесіне қою үшін алып кетеді. Жарты ғасырдан астам уақыт сонда тұрып, 1989 жылы, тарихи отанына қайтарылады. Тайқазанды Ресейден әкелушілердің бірі оны елге жеткізу оңай болмағанын айтады.
«Оны елге алып келу оңай болған жоқ. Көптеген қиындықтарға тап болдық. Екі кран қазанды көтере алмады. Кейін сол жерде қонақүй салып жатқан бір кранды алып келіп едік, сол көлікке салып берді»,- дейді Тайқазанды алып келген топтың өкілі Дадажан Жамалов.
Аталған шара кезінде Тайқазан құйылған орындар мен Қарнақтағы өзгеде тарихи орындарға саяхат ұйымдастырылды.


01 қыркүйек 2019 ж. 23 0

PDF нұсқалар мұрағаты

№72 (9824)

17 қыркүйек 2019 ж.

№71 (9823)

13 қыркүйек 2019 ж.

№70 (9822)

09 қыркүйек 2019 ж.

Хабарландыру

Қорқыт және Ұлы дала сазы

Қорқыт және Ұлы дала сазы

17 қыркүйек 2019 ж.
Хабарландыру

Хабарландыру

19 тамыз 2019 ж.

Суреттер сөйлейдi

Жаңалықтар мұрағаты

«    Қыркүйек 2019    »
ДсСсСрБсЖмСбЖс
 1
2345678
9101112131415
16171819202122
23242526272829
30