WBC Головкинге үш боксшымен жұдырықтасуды ұсынды
Дүниежүзілік бокс қауымдастығы (WBC) қазақстандық боксшы Геннадий Головкинге үш қарсыласты ұсынды.
«GGG шаршы алаңға керемет оралды. Енді келесі қарсыласы кім болады?», - деп жазды WBC твиттердегі парақшасында. Оған қоса, Головкинге үш қарсыласты ұсынды. Атап айтқанда, WBC, WBA Super және IBF чемпионы Сауль Альварес, WBC уақытша чемпионы Джермалл Чарло және WBO чемпионы Деметриус Андраде.
Айта кетейік, Головкин соңғы жекпе-жегінде Стив Роллсты нокаутқа түсіріп, мансабындағы 39-шы жеңісіне жеткен болатын.
Ақпарат көзі: Prosports.kz
