Садақ атудан Азия кубогінде отандастарымыз 4 медаль жеңіп алды

Таиландтың Бангкок қаласында өткен садақ атудан Азия кубогі додасында Қазақстан қоржыны тағы бірнеше медальмен толықты. Блоктық садақ атудан командалық сында ерлер және әйелдер командасы қола жүлдеге ие болды. Сондай-ақ, блоктық садақ атудан жекелей сында финалға шыққан Рустам Қарабаев турнирдің күміс жүлдегері атанды. Осыдан бір күн бұрын садақ атудың олимпиадалық жүйесі бойынша Санжар Мұсаев қола медаль иеленген болатын. Азия кубогі бүгін өз мәресіне жетеді.

Olympic.kz