Батутты гимнастикадан әлем кубогінде қазақстандықтар қалай өнер көрсетті?

Мәскеуде батутты гимнастикадан әлем кубогі кезеңі аяқталды. Қазақстан сапынан ең үздік нәтижені Игорь Грачев тіркеді деп жазады Olympic.kz. 

Кубоктік кезең Олимпиадаға іріктеу турнирлерінің бірі болып саналады. Қазақстан атынан жарысқа төрт спортшы қатысты. Оның арасында 2018 жылғы Азия ойындарының қола жүлдегері Пірмаммад Әлиев те бар.

Өкінішке орай, Әлиев бар болғаны 62-орынды місе тұтты. Ал ең жақсы көрсеткіш Игорь Грачевтің еншісінде, 33-орын. Данияр Түсіпов 52, Данил Мұсабаев 68-сатыда.