ЕРЛАН ЕЛ ЕСІНДЕ
Осыдан біраз жыл бұрын жас та болса ел үмітін ақтап жүрген Ерлан Нысанбаев жасындай жарқ етті. Оған себеп жастар арасындағы келеңсіздік. Десе де, талай айтулы жарыстарда өз жас шамасында үздіктер қатарынан ойып орын алып, ел үмітін ақтаған Ерланды ел есінде сақтау және өнеге ету үшін бокстан жасөспірімдер арасында облыстық жарыс ұйымдастырылып келеді.
Биыл 2005-2006 жылдары туған жасөспірімдер арасында V рет өткен облыстық ашық біріншіліктің ерекшелігі, жеңімпаздар аймақ құрамасы сапында ел чемпионатына қатысады.
Міне, үш күн өткен жарыс қорытындысында аралдық Бекарыс Мұратұлы, Бекзат Сержанұлы, Бекзат Көптілеуов, Әлім Айтуаров, Қайрат Дәулетханұлы және Мүсілім Үсенов, қазалылық Ерхан Оңталап, Керемет Аман, Орақ Сейіл шиелілік Нұрәлі Аманжолов, Серік Советов, Жанболат Жарылқап, қармақшылық Бейбарыс Ефенов, Диас Пірманбаев, Айбек Айдарбеков, Рамазан Радик, Серікболсын Жолдасбаев, жалағаштық Нұрсұлтан Болатбекұлы, Құрмаш Тынымбек, Мадияр Айдосұлы, Бекзат Асқарбай, сырдариялық Біржан Сәдуақасов, қызылордалық Нұрасыл Мыңжасар, Рамазан Нұртілеу, Дарын Кенжебекұлы, Танир Шынжырбай, Мейрамбек Керейтбаев, Даниял Айжарық, Асылан Елдібайұлы және жаңақорғандық Олжас Мүтән өз салмақ дәрежесі бойынша жеңімпаз атанды.
Сонымен бірге, жерлестеріміз Нұрперзент Назымбетов, Ерасыл Әбдірахманов, Абдулхамит Жеткерген, Өркен Нағашыбаев, Арсен Болатов, Ғафур Құлахмет, Ақниет Қалмаханов және Шерхан Жеткеров пен Жансерік Қосжанов жүлдегерлер қатарынан орын алса, демеушілер тарапынан тағайындалған «Жеңіске деген жігері үшін» номинациясын қармақшылық Шерхан Жеткеров, ал «Үздік боксшы» номинациясын қызылордалық Дарын Кенжебекұлы иеленді.
Жарыстың жабылу салтанатында еңбек ардагерлері Зал Шегебаев, Әбдірахман Нұртаев, Ерланның әкесі Бақытжан Нысанбаев, досы Жасұлан Ағыбаев жарыс жүлдегерлерін құттықтап, жылы лебізін білдірді.
Нұрбай ЖАНӘДІЛОВ
