Жерлестер жеңіспен оралды
Жуырда Байқоңыр қаласында таеквандодан ашық біріншілік өтті. Жас өрендер бақ сынасқан сайыста Қармақшы аудандық дене шынықтыру және спорт бөліміне қарасты орталық стадионының Орда әскери Патриот Спорт клубының спорт нұсқаушысы, жаттықтырушы Ержан Әбуовтің шәкірттері аудан мерейін тасытты. №250 мектеп-лицейінің Медет Мақсұтов III орын, Жомарт Қылышбаев II орын, Әділ Байболов I орынды қанжығасына байлады. №121 мектеп оқушылары Толеби Жұмабеков II орын, Руслан Сағындық II орын, Бекзат Сабитов III орыннан көрінді. Ал, №26 мектептің оқушысы Сағыныш Ишанова I орынды жеңіп алды. №105 мектеп оқушысы Нәзира Әскербек II орынды иеленсе, №121 мектеп оқушылары Жанболат Ералиев III орынды, Бексұлтан Жұмабеков II орынды, №250 мектеп-лицейінің оқушысы Нұртас Нұрым II орынды, Сұлтан Жалғас I орынды иеленді.ҚТ ақпарат
