Астана, BAQ.KZ. Қазақстанда спортшылар допинг үшін қылмыстық жауапкершілікке тартылмайды. Бұл туралы Мәдениет және спорт министрлігі Спорт және дене шынықтыру істері комитетінің баспасөз хатшысы Раухан Тоғымбаева айтты.

"Допинг үшін қылмыстық жауапкершілік қарастырылмайды. Бас прокуратура былтыр біздің ұсынымызды қабылдамаған еді. Қазіргі жаңа заңнамада енді әкімшілік жауапкершілік қана қарастырылады. Яғни спорттық атағынан айыру, баспанасын қайта тартып алу, ұлттық команда құрамынан алып тастау, жарыстардан шеттету, ақшалай өтемақыны қайтару жазалары қолданылады", - дейді Раухан Тоғымбаева.
"Допинг қолданғаны үшін спортшы ғана емес, мамандардың барлығы жауапкершілікке тартылады. Яғни спортшының допинг қолдануына жол берген медициналық қызметкерлер мен бапкерлер де жазадан тыс қалмайды. Сондай-ақ, спортшының 10 жыл бойы баспананы өз атына жаздыра алмайтыны айтылады. Себебі допинг сынамалары 10 жыл сақталады", - деп түсіндірді Раухан Тоғымбаева.

Бірақ баспасөз хатшысы қазіргі заңнамада баспананы қайта тартып алу, ақшалай сыйақы мен спорттық атақтарды қайтару мәселесінің қарастырылмағанын айтты.Бұдан бөлек, қазіргі ұсынылып отырған заңнамада допингпен ұсталған спортшының 50 айлық есептік көрсеткіш көлемінде айыппұл төлейтіні айтылады.