Сыр бойындағы мергендер бәсекесі
Қызылорда төріндегі «KAYSAR ARENA» стадионында алғаш рет садақ атудан Қазақстан Республикасының чемпионаты жалауын желбіретті. Мергендер додасының салтанатты ашылу рәсімінде облыс әкімінің орынбасары Мейрамбек Зинабдинұлы Шермағанбет сөз сөйлеп, жарысты ресми түрде ашып берді. Өз сөзінде ол Ата бабадан қалған асыл мұра – садақ ату өнерін қайта жаңғыртудың және жастар арасында бұқаралық спорт пен ұлттық ойындарды насихаттаудың маңыздылығына тоқталып, Қызылорда жерінде өтіп жатқан бұл тарихи айтулы шараның мән-маңызын ерекше атап өтті.
Сондай-ақ, Қазақстан Республикасы Ұлттық садақ ату федерациясының бас хатшысы Есет Байтасов сөз алып, барша қатысушы спортшыларға сәттілік пен жоғары нәтижелер тіледі.
Салтанатты шара қазақ эстрадасының жұлдыздары Бейбіт Қорған, ARGONYA және жастардың сүйікті әншісі ALHAM-ның өнерімен өрнектеліп, жиналған көрермендерге көтеріңкі көңіл-күй мен уақытша есте қаларлық мерекелік атмосфера сыйлады.
