ҚАРМАҚШЫ АУДАНЫНДА БІЛІМ ҚЫЗМЕТКЕРЛЕРІ АРАСЫНДА АУДАНДЫҚ СПАРТАКИАДА ӨТУДЕ
Қармақшы ауданының білім беру ұйымдарының қызметкерлері арасында аудандық спартакиаданың ашылу салтанаты өтті.
Аталған спорттық шара білім қызметкерлері арасында салауатты өмір салтын қалыптастыру, бұқаралық спортты дамыту және әріптестер арасындағы достық пен ынтымақтастықты нығайту мақсатында ұйымдастырылуда.
Спартакиаданың ашылу салтанатында Қармақшы аудандық білім бөлімінің басшысы Жәнібеков Берік Съездұлы сөз сөйлеп, барша білім қызметкерлерін жаңа 2026–2027 оқу жылының басталуымен құттықтады.
Сонымен қатар, қатысушыларға алдағы жарыстарда сәттілік тілеп, аудандық спартакиаданы салтанатты түрде ашық деп жариялады.
Бұйрыққа сәйкес, аудандық спартакиада 2–4 қыркүйек күндері өткізіліп, білім қызметкерлері спорттың 9 түрінен өзара бақ сынайды.
Бұл спорттық дода – ұстаздар қауымының бірлігін арттырып, салауатты өмір салтын насихаттауға бағытталған маңызды шара.
