2018 жылғы әлем чемпионатының топтық кезеңінде 20 пенальти белгіленіп, рекорд орнатылды. Мысалы, 25 маусымда өткен Иран мен Португалия арасындағы матчта екі пенальти белгіленді. Арбитр Энрике Касерес бейнебақылау жүйесін пайдаланып, Иранның пайдасына қарай Португалияға 11 метрлік айып добын белгіледі. Бұл – турнирдегі жиырмасыншы пенальти. Әлем чемпионаттарының тарихында осынша көп пенальти ешқашан болмаған. Белгіленген пенальтилер бойынша бұған дейін жасалған рекорд – 18. Бұл 1990, 1998 және 2002 жылғы әлем чемпионаттарында болған. 2018 жылы дүбірлі додада алғаш рет төрешілерге ойындағы даулы мәселелерді шешу үшін мүмкіндік беретін бейнебақылау жүйелері іске қосылды.