Аянат Жұмағали ауыр атлетикадан Азия чемпионатының жүлдегері атанды
Фото: ҰОК
Отандасымыз 77 келіге дейінгі салмақта ел намысын қорғады.
Ауыр атлетикадан Қазақстан әйелдер құрамасының өкілі Аянат Жұмағали елордада өтіп жатқан жасөспірімдер мен жастар арасындағы Азия чемпионатында қола жүлдеге ие болды, – деп хабарлайды Aikyn.kz.
Отандасымыз 77 келіге дейінгі салмақта ел намысын қорғады.
ҚР ҰОК мәліметінше, Аянат қоссайыстың қорытындысы бойынша 217 (95+122) келіні көтеріп, жастар арасындағы бәсекеде қола жүлдеге ие болды.
Алтын медальді Оңтүстік Корея өкілі Хисо Джун жеңіп алды. Оның нәтижесі - 230 (102+128) келі. Ал, екінші орынды өзбекстандық Гульшодахон Дадамирзаева иеленді - 218 (96+122) келі.
