ҮСТЕЛ ТЕННИСІНЕН ТАРТЫСТЫ САЙЫС ӨТТІ
Қармақшы аудандық дене шынықтыру-сауықтыру кешенінде «Бірлігі бекем жамағат» атты үстел теннисінен үлкен әрі тартысты турнир өтті.
Бұл шара Қармақшы аудандық "Қармақшы ата" мешітінің және Қармақшы ауданының қоғамдық даму бөлімі ұйымдастырған әлеуметтік жобаның аясында жүзеге асты.
Жарысқа қатысушылар өздерінің шеберліктерін көрсетіп, әр ұпай үшін шыдамдылық пен күш-қайрат танытты.
Әр ұпайдан соң көрермендер спорттың қуатын сезініп, қатысушылардың рухын көтерді. Спорт – бұл тек дене шынықтыру ғана емес, жан мен тәннің бірлігін көрсететін ұлы жол.
Жарыс нәтижесі: 1, 2 және 3 орын иегерлері қаржылай сыйлықтар мен арнайы кубоктар алды.
Ал жарысқа қатысқан басқа барлық қатысушылар алғыс хаттармен марапатталды. Бұл жарыс тек жарыс қана емес, бір-біріне деген сыйластық пен бауырластықтың көрінісі болды.
Ұйымдастырушыларға және осы шараға қатысқан барлық адамдарға ерекше алғысымызды білдіреміз. Барлық қатысушылардың ынтасы мен белсенділігі көпшіліктің жүрегінен орын алды.
