БАСКЕТБОЛДАН АУДАНДЫҚ АШЫҚ БІРІНШІЛІК ӨТТІ
Дене шынықтыру-сауықтыру кешенінде баскетболдан 2012-2013 жылы туылған жасөспірім ұлдар арасында аудандық ашық біріншілік болып өтті.
Аудандық біріншіліктің негізгі мақсаты саламатты өмір салтын насихаттау, аудан көлемінде баскетбол спортын дамыту, команда ойыншыларының деңгейін және шеберлігін арттыру және аудан құрама командасына ойыншыларды іріктеу болып табылды. Жарысқа 6 команда 70-ке жуық спортшы қатысты.
Аудандық біріншілік нәтижесі бойынша І орын - №105 мектеп-лицейі, ІІ орын - №27 орта мектебі, ІІІ орын - №121 орта мектебі иеленді.
