Ашық турнирге Қызылорда қаласынан және көрші аудандар мен елді мекендерден жас дзюдошылар бақ сынады.

Спорттық шараның басты мақсаты – аудан көлемінде дзюдо күресін дамыту, саламатты өмір салтын насихаттау, жастарды достыққа, патриоттық сезімге, ұлттық мәдениетке тәрбиелеу. Тартысты додаға аудан бойынша 23, 26, 29, 32, 35, 38, +38, 42, 46, +46, 50, 55, 60, +60 келі салмақ дәрежесіндегі 300-ге жуық жас спортшы қатысып, сынға түсті. Жарысқа Ерлан Жақсыбеков, Дінмұхаммед Алтай, Әділет Несіпбаев, Арқар Бақытжан, Серік Бердімұрат, Нұржан Маратұлы, Мағжан Ібраш, Маржан Ібраш, Алихан Әлиасқаров, Әлімбек Нұрислам, Бекзатхан Сайлаубек, Қайсар Транай, Айбек Егізбаев төрелік етіп, жеңімпаздарды анықтады.

Жарыс нәтижесінде әр салмақ бойынша І, ІІ, ІІІ орын алған жас балғындарға аудандық дене тәрбиесі, спорт және туризм бөлімі мен «Жалын» спорт клубының арнайы диплом, медаль және бағалы сыйлықтары табысталды.