Азия чемпиондары алғысқа бөленді

Бүгін аудан әкімі Сұлтан Ысқақұлы Мақашов Азия чемипионаты мен Әлемдік Гран-При жүлдесінің жеңімпаздарын қабылдады. Жиынға Азия чемпионы, ҚР халықаралық дәрежедегі спорт шебері Ғалымжан Әбдірахманов, жастар арасында 52 кг салмақ дәрежесінде Азия чемпионы атанған Диана Тілеумұратова, Пекин қаласында өткен бүкіл әлемдік паралимпияда да жеңіл атлетикадан жеңімпаз атанған Мейіржан Қалданұлы, жасөспірімдер арасында 48 кг салмақ дәрежесінде Азия чемпионы атағына ие болған Дәулет Тұрғанов пен Азия чемпионатының күміс жүлдегері Дамир Абдеков қатысты. Барлық жеңімпаз жасқа аудан әкімінің алғыс хаты табысталып, сыйлықтар тарту етілді.

Айнұр ӘЛИ