Шавхат Рахмонов мықтылығын дәлелдеді

Prosports.kz Қазақстандық Шавхат Рамонов кәсіпқой спорттағы өз мықтылығын кезекті рет дәлелдеді.

Астанада аралас жекпе-жектен Х «Көшпенділер шайқасы» өтіп, басты бәсекеде жерлесіміз жеңімпаз атанды. Осы жекпе-жек кеші аясында елордада ММА апталығы ұйымдастырылған еді. Оған еліміздің түкпір-түкпірінен 200-ге жуық спортшы жиналып, қатысушылар саны бойынша өзіндік рекорд тіркеді. Оның ішінде биыл бірінші рет 8 бұрышты алаңда жасөспірімдер мен әйелдерге де сынға түсуге рұқсат етілді. Сонымен, аптаға жуық уақытқа созылған жарыс қорытындысы бойынша Қарағанды облысының спортшыларына тең келер ешкім болмады. Екінші орында Алматы облысы болса, үздік үштікті Алматы қаласының құрамасы түйіндеді. Енді осы жарыста топ жарғандар ұлттық құрама сапына ілігіп, алдағы халықаралық додаларда ел намысын қорғауға мүмкіндік алады.

24.kz