Әлемнің екі дүркін чемпионымен кездесу кеші
qarmaqshy-tany.kz Спорттың адам өмірінде алатын орны зор екендігін бәріміз білеміз. Спортпен айналысқан адамдың денсаулығы мықты, әрі шыдамды болады. Денсаулық адамдың ең қымбат дүниесі. Сондықтан біз денсаулығымызды нығайту үшін спортпен шұғылдануымыз керек. Спорттық ойындардың түрлері көп.
Олар: футбол, баскетбол, волейбол, теннис, хоккей, шаңғы тебу, суда жүзу және тағы басқа спорттың адам өмірінде қаншалықты пайдалы екенін, оның адам өмірін ұзартатынын біз білеміз.
Осы орайда Әбзәли Егізбаев атындағы №121 орта мектебінде жылдық жоспар аясында "Салауатты өмір салтын қолдаймыз!" тақырыбында дене шынықтыру бірлестігі апталығы аясында Байшылықов Рахымжан Ибрагимұлының ұйымдастыруымен, мектебіміздің түлегі, Қазақстандық ауыр атлет Албанияда өткен жасөспірімдер арасындағы әлем чемпионатында алтыннан алқа таққан әлемнің екі дүркін чемипионы Саулебеков Ерасыл Аянұлы және бапкері мектебіміздің түлегі Ералиев Айдармен кездесу кеші ұйымдастырылды.
Кеш барысында мектеп директоры Болат Мәлікұлы, Толағай батырымызға алдағы спорттық сайыстарда да жеміс пен жеңіс тек сәттіліктер тілеп жылы лебізін білдіре отырып ұжым атынан мектебіміздің мақтанышы Ерасылға сый-сыйяпат көрсетті. Оқушылар спорттық флеш-моб би билеп, әдби монтаждар оқып, кеш соңы оқушылар жеңіске жетудің қыры мен сыры неде? - деген сұрақтарға Ерасыл чемпионның: төзімділік пен еңбек бәрін жеңбек деп өзінің қатарлас достарын салауаттылық пен мейрімділікті ту етіп әркез достық қатынаста болуға үндеді.
