18 жастағы регбиші қыз ойын барысында қайтыс болды

Италияда регби ойыны барысында 18 жастағы Ребекка Бралья қайтыс болды. Елдегі регби федерациясының ресми сайты оқиғаның 29 сәуірде Равенне қаласында болғанын жазды. «Аматори Парма» командасы үшін өнер көрсетіп жүрген спортшы қыз Италия кубогының жарысында басымен құлаған. Зардап шеккен қызды дереу ауруханаға жеткізген. Оған операция жасалған, алайда оны аман алып қалу мүмкін болмаған. Италияда регбиден өтетін алдағы күндері бір минут үнсіздіктен басталатыны айтылады. Федерация президенті Альфредо Гавацци қайтыс болған қыздың отбасына және достарына көңіл айтқан.