Бұл туралы ұйымның ресми сайты хабарлап отыр. Ұсынысты ҚФФ бас хатшысы Азамат Айтхожинмен онлайн-конференция кезінде аймақты футбол федерациясының өкілдері жасады. Жақсыбековтың кандидатурасы бірауыздан мақұлданды, – деп хабарлайды Vesti.kz. 10 ақпан күні Астанада ҚФФ-ның кезектен тыс конференциясы өтеді.

Осы отырыс барысында федерацияның жаңа президенті тағайындалады. ҚФФ-ның бұған дейінгі президенті Сейілдә Байшақов болса қаңтардың басында отставкаға кеткен болатын. Президент әкімшілігінің жетекшісі Әділбек Жақсыбеков бұған дейін 2007 және 2014 жылдар аралығында ҚФФ-ны басқарған болатын. Қазір 63 жастағы саясаткер Қазақстан жеңіл атлетика федерациясының президенті қызметін атқарып келеді.