Әлем чемпионы жаттығу өткізді
Әлемнің төрт дүркін чемпионы Илья Ильин Қызылорда облысы бойынша экономикалық тергеп-тексеру департаментінің қызметкерлерімен бірге арнайы жаттығу өткізді.
Қаланың спорт-сауықтыру комплексінің фитнес залында өткен жаттығу барысында әлем чемпионы қызметкерлерге бағыт-бағдар беріп, спорттағы жаттығудың маңыздылығына тоқталды. Сондай-ақ, бірге жаттығу жасап, спортшы қызықты сәттерімен бөлісті.
– Маған сіздерден ұсыныс түскенде қатты қуандым. Бірден келісімімді де бердім. Білгенімді үйретіп, кішкене болса да көмегім тиіп жатса бұл мен үшін қуаныш. Қазіргі таңда Астана қаласынан жеке зал ашып, сонда жаттықтырушы болып жүрмін. Алдағы уақытқа жоспарларым көп, – деді чемпион.
syrboyi.kz
