qarmaqshy-tany.kz Байқоңыр қаласында Басқарманың ұйымдастыруымен дәстүрлі түрде өткізіліп келе жатқан спорттық ойын түрлерінен жарыс өз мәресіне жетті.

Бірнеше күнге созылған шараның негізгі мақсаты – жастарды салауатты өмір салтына шақыру, бұқаралық спортты дамыту, ҚР және РФ мекемелері арасындағы ынтымақтастық одан әрі нығайту болып табылады.

Жалпы, қалада орналасқан ұйымдар мен мекемелерден әр түрлі спорт түрлерінен 20 командадан 200 спортшы қатысып, өзара сайысқа түсті.

Бүгінгі шараның қорытынды рәсіміне Қазақстан Республикасы Президентінің «Байқоңыр» кешеніндегі арнаулы өкілі Қ.Ы.Нұртай және Байқоңыр қаласы әкімшілігі басшысының орынбасары Н.П.Адасев қатысып үздік спортшыларды марапаттады.

Жарыс қорытындысы бойынша жүлделі орындар келесідей бөлінді:

Кіші футболдан – 1 орын – «Палермо» ЖШС командасы; 2 орын - «Цэнки» АҚ – «Южный» ҒО командасы; 3 орын – Байқоңыр қаласы көпбейінді ауруханасының командасы иеленді.

Волейболдан - 1 орын - «Цэнки» АҚ – «Южный» ҒО командасы; 2 орын – Қармақшы аудандық білім бөлімінің Байқоңыр секторы командасы; 3 орын - РФ ІІМ «Байқоңыр» кешеніндегі басқармасының «Динамо» командасы еншіледі.

Үстел теннисінен - 1 орын – «ҚазТрансГаз Аймақ» АҚ Байқоңыр филиалы командасы ; 2 орын – «Цэнки» АҚ – «Южный» ҒО командасы; 3 орынды – РФ ІІМ «Байқоңыр» кешеніндегі басқармасының «Динамо» командасы иеленді;

Сондай – ақ, шара барысында үздік ойыншылар мен төрешілер алқасы арнайы марапаттарға ие болды.

Аталған шара жыл сайын дәстүрлі түрде ұйымдастырылып келеді.