Шағын футболдан аудандық ашық турнир өз мәресіне жетті

qarmaqshy-tany.kz Үстіміздегі жылдың 9-10 желтоқсан күндері аралығында Қазақстан Республикасының Тәуелсіздігінің 31 жылдығына және Желтоқсан құрбандарын еске алу мақсатында 2008-2009 жылы туылған жасөспірімдер арасында шағын-футболдан аудандық ашық турнир өз мәресіне жетті.

Аудандық ашық біріншілікке Қызылорда қаласы, Қазалы ауданымен Қармақшы ауданының жалпы білім беретін мектептерінен құралған спортшылары қатысты. Спорттық шараның негізгі мақсаты салауатты өмір салтын насихаттау, бұқаралық спортты дамыту, жүйелі спортпен шұғылдануға тарту және мерекені кең көлемде атап өту болып табылады. Бүгінгі спорттық шараға 11 команда 110-ға жуық спортшы қатысты. Жеңімпаз және жүлдегер спортшыларға аудандық дене шынықтыру және спорт бөлімінің І, ІІ, ІІІ дәрежелі дипломдар және демеушілердің медалдары мен сыйлықтары табысталды.

І орын - №15 ОРМБЖМ командасы

ІІ орын – Қызылорда қаласының «Намыс» командасы

ІІІ орын – Қызылорда қаласы

Аудандық ашық біріншілікте жақсы ойын өрнегін көрсеткен спортшыларға номинациялар арнайы аудандық дене шынықтыру және спорт бөлімінің дипломы мен демеушілердің арнайы сыйлықтары табысталды.

Атап айтар болсақ:

Үздік ойыншы номинациясымен – Қазалы командасының ойыншысы Ұлықпаш Диас

Үздік қорғаушы номинациясымен – Қызылорда командасының ойыншысы Бижігітұлы Саламат

Үздік шабуылшы номинациясымен – «Намыс» командасының ойыншысы Уразалиев Рамазан

Үздік қақпашы номинациясымен – Қармақшы командасының ойыншысы Мінуар Шығанақ