Футболдан жарыс өтті

Қармақшы ауданының спорт бөлімінің қолдауымен Қызылорда облысының жастар Одақтары қоғамдық бірлестігінің және Ақжар ауылдық округінің спорт нұсқаушысы Б. Нұржановтың ұйымдастыруымен шағын футболдан жарыс өтті. «Ақжар» ауылдық округінде өткен жарысқа аталған ауылдан жастар құрамынан 8 команда қатысты. Атап айтқанда, «Бүркіт-98» 1-ші орын, «Талап-96» 2-ші орын, «Жас түлек-2001» 3-ші орынды иеленді.

Сондай-ақ, жарыста «Үздік ойыншы» номинациясымен Д. Жүнісов, «Үздік қақпашы» Р. Қаласов, «Үздік қорғаушы» номинациясымен Н. Әбуқасовтар марапатталды.

Ұйымдастырушылар тарапынан жарыс жеңімпаздарына «Мадақтама» арнайы кубок және бағалы сыйлықтар табысталды.