"Сулифа": Ауданда өткен финалда егіз қыз бір-бірімен күресуден бас тартты
Маңғыстаулық егіз қыз Қармақшы ауданында өткен таэквондо турнирінің финалында бір-бірімен жекпе-жекке шығуы керек болған. Бірақ олар күресуден бас тартқан. Неге?
Ая мен Сая Кенжеғали 24 келіге дейінгі салмақта бірінші орынға ие болды. Олар финалдық кездесуде күресуден бас тартып, жеңімпазды өз арасында анықтаған. Ол үшін қыздар ойын ойнаған. “Сулифа” ойнында Ая Кенжеғали жеңіске жеткен.
Таэквондодан 2010-2011, 2012-2013 жылдары туылған ұлдар мен қыздар арасындағы республикалық турнир Кеңес Одағының Батыры Тәйімбет Көмекбаевты еске алуға арналған. Жарысқа еліміздің барлық аймақтарынан 800-ден астам спортшы қатысты.
ҚТ ақпарат
