Нұрдәулетовтің финалдағы қарсыласы ресейлік Имам Хатаев болды. Қазақ боксшысы төрешілердің бірауыздан шешімімен жеңіске жетті

Қазақстандық боксшы Бекзат Нұрдәулетов "Санкт-Петербург губернаторының кубогы-2021" халықаралық турнирінің финалында жұдырықтасты, деп хабарлады sputnik.kz.

Финалда Нұрдәулетовтің қарсыласы ресейлік Имам Хатаев болды. Жекпе-жекте төрешілердің бірауыздан шешімімен Нұрдәулетов жеңіске жетті. Қазақстандық боксшы жекпе-жек барысында қарсыласын нокдаунға жіберді (видеоны төменде көруге болады).

Осылайша, қазақстандық өз салмағында турнир чемпионы атанды.

Айта кетейік, Бекзат Нұрдәулетов – 2019 жылғы әлем чемпионатының жеңімпазы. Ал Имам Хатаевқа келетін болсақ, екі рет Ресей чемпионы болды (2019, 2020), сонымен қатар студенттер арасындағы әлем чемпионатында жеңіске жетті (2014).