22 жастағы Бекзат Нұрдәулетовтың кәсіпқойдағы бірінші жекпе-жегі жеңіспен аяқталды
22 жастағы Бекзат Нұрдәулетов кәсіпқой бокстағы алғашқы жекпе-жегін өткізді, – деп хабарлайды Vesti.kz.
Бекзаттың қарсыласы 28 жастағы танзаниялық Ибрагим Маокола болды. Ол кәсіпқой карьерасында өткізген 24 жекпе-жектің он төртінде жеңіске жетіп, тоғыз рет есе жіберген және бір тең түсіпті.
Жартылай ауыр салмақтағы жекпе-жек алты раундқа есептелген болатын. Бірден шабуылға көшкен қазақ боксшы қарсыласын бірінші раундта-ақ нокдаунға түсірді. Дегенмен Маокола үзіліске дейін шыдады, алайда, Нұрдәулетов оны екінші раундта ақыры есінен тандырды.
