Мемлекеттік қызметтегі әйелдер қауымы үстел теннисінен бақ сынады
Таразда мемлекеттік қызметтегі әйелдер арасында үстел теннисінен турнир өтті.Аймақтық жарыс Астана қаласының 20 жылдығы мен халықаралық әйелдер мерекесіне орай ұйымдастырылды. Спорттық шараға облыс орталығындағы департамент, басқарма, әкімдік қызметкерлері және 9 ауданнан қыз-келіншектер жиналды. Жалпы саны 17 команда қатысып, 50-ге тарта спортшы өз өнерлерін көрсетті. «Жарыстың мақсаты – салауатты өмір салтын насихаттап, спортпен тұрақты шұғылданатын тұрғындар қатарының артуына үлес қосу», – дейді ұйымдастырушылар.
Гүлжан Кәлімбетова, жарысқа қатысушы:
– Жыл сайын волейболдан өтетін. Оған үнемі қатысатынбыз. Енді биыл үстел теннисінен өзіміздің бағымызды сынап көріп жатырмыз. Мейрамға байланысты өзіміздің ардақты аналарымыз бар, әжелеріміз бар. Оларды шын жүректен құттықтаймыз. Оларға ең бастысы денсаулық тілейміз. Спорт – денсаулықтың кепілі.
