Қыздар арасында мәнерлеп сырғанаудан Элизабет Тұрсынбаева еркін бағдарламасынан кейін әзірге көш бастап келеді.

Техникалық жағынан күрделі элементтерді сәтті орындап шыққан жерлесіміз төрешілерден 118,30 ұпай алып, қысқа бағдарламасымен қосқандағы жалпы көрсеткіші 177,12-ні құрады. Осылайша қазір отандасымыздың жүлделі орыннан көріну мүмкіндігі молайды.

Еске салайық, бұл сында барлығы 24 спортшы бақ сынасып жатыр. Алда әлі жарыс фавориттері – жапондық, америкалық және Ресей елінен барған қыздар мұз айдынына шығу кезегін күтіп отыр. Сондай-ақ кешке конькишілер мен биатлоншылар сайысқа түседі.