ҚЫЗЫЛОРДАЛЫҚ СПОРТШЫЛАР ЖАЗҒЫ АЗИЯ ОЙЫНДАРЫНА БАРАДЫ

Индонезия астанасы Джакарта қаласында 18 тамыз бен 2 қыркүйек аралығында өтетін XVIII жазғы Азия ойындарына Сыр өңірінен 17 спортшы барады.Сыр саңлақтары 9 спорт түрінен бақ сынайды. Атап айтқанда, байдарка және каноэде есуден Мерей Медетов, каратэ-до спортынан Мөлдір Жаңбырбай барады.
Ал таеквондодан Айнұр Есбергенова ел намысын қорғаса, самбодан Динара Қодарова, велоспорт Роберт Гайнеев, Асылхан Тұрар сайысқа түседі. Сондай-ақ, кураштан Арайлым Қанзада, мен Нұрлыбек Алдабергенов, стенд атуда Максим Коломоец сайысқа түседі.
Гандболдан ел құрамасы сапында Дана Әбілда, Мария Пупченкова, Татьяна Давыдова, Наталья Ильина, Виктория Колотинская, Вероника Хардина ойын көрсетсе, көгалдағы хоккейде Гузаль Бахавадин мен Алиса Чепкасова құрама жейдесін киеді.