Еліміздің Израильдегі елшісі Иерусалим патриархымен кездесті
Қазақстанның Иерусалимдегі Төтенше және өкілетті елшісі Дулат Қуанышев осы елдің патриархы Феофил Үшіншімен кездесті.
Дипломат Православ шіркеуінің басшысына Әлемдік және дәстүрлі діндер көшбасшылары съезінің хатшысы әрі ҚР Парламенті Сенатының Төрағасы Қасым-Жомарт Тоқаевтың жиынға шақыртуын табыс етті. Феофил Үшінші бұрын да осы форумға келген болатын. Елшімен әңгімелесе отырып, ол Қазақстан туралы жылы лебізін білдіріп, келуге келісімін берді. Осы тектес шақыртулар өзге діндер жетекшілеріне де берілетінін айта кету керек.
Феофил Үшінші, Иерусалим патриархы:
- Мен үшін мұндай қызықты форумға қатысу жақсы тәжірибе болды. Қазақстанның көрсетіп отырған дамуы мен өрлеуі маған үлкен әсер етті. Ол жаққа барған сапарым тек жағымды естеліктерге толы. Ең бастысы, мен президентпен және съезд хатшысымен кездестім.
