Ауылда тылсым ұстахана бар

Суреттегі Ақтөбе ауылындағы темір ұстахана. Бұл жерге осы маңның көрші-көлемінен естіген бойда ұша жөнелдік. Шап-шағын. Ескі екені де анық байқалады. Бірақ әлдененің құдіретті күші осы жерге шақыратындай. Мистикалық әңгімені естісем, қойын дәптерімді шимайлайтын әдетім бар. Ауыл тұрғыны Жанат апайдың айтқан бір-екі әңгімесі санамда әлі жаңғырып тұр. Ұйықтау мүмкін емес. Жазбасқа амал қалмады)

Бұрын осы жерді иелік еткен темір ұстасының бойында қасиет болған деседі. Тек оның бойындағы шеберлік ұлдарына дарымапты. Күні-түні ұстаханасында көрік тартып, темір соққан ұста ұрпағы ізін жалғағанын арман етсе керек. Себебі ол кісі қайтқалы әр жұмада темір соққан дауыс естілген екен. Көршілерінің айтуынша, бұл жер - қасиетті. Әрі ұлдары темір қыздырып қояды екен. Егер бұл жер тым-тырыс қалса өздігінен ұсталық дауыстар естіледі-мыс. Бір қызығы сол ұстаның 5 жасқа таяған немересі ұсталыққа бейім. Кішкентай бөбек қолына балта алып, жерді жағалай қағып жүреді екен. Атасының ұсталық қасиеті осы немересіне қонған болар,кім білсін?!